الرئيسيةاليوميةس .و .جبحـثالأعضاءالتسجيلدخول

شاطر | 
 

 اضــاءات ( الشاعــر متعب التركــي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
يالبي قلبك
مشرفة عامة
avatar

عدد الرسائل : 110
العمر : 31
العمل/الترفيه : طالبة
المزاج : يالبي قلبك مشتاقلك موووت
تاريخ التسجيل : 28/09/2008

مُساهمةموضوع: اضــاءات ( الشاعــر متعب التركــي   الثلاثاء أكتوبر 07, 2008 11:33 am

" متــعــب التــركــي "


مدرسة شعرية لازلنا نتعلم منها شاعر لازلنا نتبع خطاه وأثره لنعيش هذا الحرف الصادق نقرأ له لنستمتع بقوافيه ولنبحر معه بعالمه وأحساسه المختلف يجيد الحضور بنصوصه ليبرهن أن الشـعر " أحساس "
لايتقنه الا القــــــــــــــلائل

:

:

متعب التركي
شاعر كويتي من شعراء التسعينيات شاعر برع في التعامل مع جمال المفردات وعذوبــة الطرح في قصائده بالرغم من انه أختار الطريق الأفضل ( نسأل الله له الثبات ) لكنه سيبقى بذاكرتنا وسنحتفي به هنا اليكم قصائده ..


قــالوا حبيبك

قالوا حبيبك يسمع الشعر قلت ايه
............................ يقراه بعيوني قبل تسمعونه
لولاه حتى طاري الشعر مابيه
........................... ميراكتبه من شان خاطر عيونه
هو روح شعري وامنياته وماضيه
........................... جذع الشجر وش كان لولا غصونه
اكتب لغيره والقصايد تجي فيه
........................... كن القصايد حالفه ماتخــونه
هذاك لامنه زعل قمت اهاديه
........................... حتى وهو مخطي تعذرت دونه
يمكن لو انه يلمس الجرح بيديه
........................... يستغرب ان اللي لمسها طعونه
ابطى وهو غايب وزلت حراويه
........................... وأنا من العـــام اتحرى مزونه
هومادرى اني في غيابه محاتيه
.......................... ليته نشّد عن حالي اللي يجونه
وقلبي اللي توه افلت عراويه
......................... كيف انسرق وضلوع صدري حصونه
عجزت ارده كن ماني براعيه
........................ يوم انتثر شوقه وهاضت شجونه
يبسن عروقه لكن اللي يعزيه
......................... ان اكثر العـــالم تردد لحـونه
خافوا من الله لاتجيبون طاريه
......................... لاصرت انا موجـــود لاتذكرونه
لو كل غالي جابه الله لغاليه
......................... ماشفت لك مخلوق تبكي عيــونه
ضايق البـــال


ضايق البال ما يستانس لحاله
............................ وانت لاغبت عني كني لحالي
جتك الاشواق رجليه وخياله
............................ غير الاول تحمل شوقي التالي
ليت من قال متعب خابت اماله
............................ شاف بعيونك الخدرات منزالي
واحد فيك ما هو منشغل باله
............................ اشهد انه بها الدنيا هو السالي
راوي العود يزهالك وتزهاله
............................ عاد من يقدر يلومه اليا مالي
صاحبي والقصايد فيك مختاله
............................ وانت لك حق فيهن يوم تختالي
دام نفسك لحب الشعر مياله
........................... ليه ماصير شاعر وانت في بالي
من تمناك لاتنشد عن احواله
........................... كيف عقب العسل يستطعم الحالي
عقبك النفس مذعوره ومهتاله
........................... سود الايام هزت برجي العـالي
لكن القلب من يمك على حاله
........................... في تناسيك ليه اكذب على حالي
قلت لك نعمة النسيان زواله
........................... ذكرياتك بعضها قـــــام يبرالي
كل ما مرني طيفك على فاله
.......................... قلت يامرحبا في ريحة الغـــالي
شلت همك وهمي ما احد شاله
........................... كن قلبك غدى ياصاحبي خــالي
إبتعدنا وكلن راح في حاله
............................ بين هالناس لكن كني لحـالي





من زمـان اكتب

كل حاجه طعمها مر في هذا الزمان
................................. هم هالدنيــا و حنٌا نعيش لهمهــا
المكان اللي عرفناه ما عاد المكان
................................. والقلوب أحداث الأيام زادت غمها
صاحبي حتى انت ما عاد تستاهل حنان
................................ انت بعثرت المشاوير و انت تلمها
البكا في مثل هالحال نوع من الهوان
............................... والمهونه كل رجـــال حــر يذمها
صاحبي لو كان للناس و الدنيا امـان
............................... ما تموت ورود الأحلام قبل نشمها
خل عنك علوم الأحبــاب واللي كـان
................................ انتهت وسيرة الأشواق ماني يمها
كل ما تظما لياليك قمت اكتب عشان
............................... تنزف جروحي و الأيام تشرب دمها
الكلام الموحش يخاف نور الشمعدان
............................... تحترق أسمى معانيه قبل يضمها
من زمان أكتب عشان تقرا من زمان
................................ بس ما شفت المكاتيب جابت همها


وش خليت ماقلته

ما قلت لي شي وش خليت ماقلته
................................ اسكت وخل الكلام لجرحي الدامي
لو غيرك اللي يسولف ما تحمّلته
................................ لكن على شان عينك هانت الامي
للحب مفهـــوم عمرك ماتخيلتــه
................................ ماأظن يستوعبه تفكيرك السامي
هذا الفراق الطويل وهذي اسئلته
................................ هذا حصاد السنين وهذي ايــامى
يامــا ويامــا عليك البـال طوووولته
............................... والعمر عدى وأنا عايش على اوهامي
حتى طريق الفراق اللي تساهلته
............................... لقيته أصعب على نفسي من أقدامى
اصبر لي شوي لو دمي تثاقلته
............................... بحاول أستوعب اللي صـــار قدامـي
الحب ضحكة بعينك بس ماطلته
.............................. عمرك بهالكون شفت أبسط من احلامي
القلب لو ما خفق لك كان ما شلته
............................... ولو ما أنت ملهم قصيدي جفت اقلامي
هذا قصيــدي بعينك لو تجــاهلته
................................ ينزف على شان يروي قلبك الضامي
العــام طاري غيابك ما تقبلتــه
................................. واليوم حرماني أصبح مصدر الهامي
لاتعتــذر لي وابنسى كل ما قلته
................................. وش ينفع العــذر لامن ضاعت ايامي

ماني على خبــرك


البارحه مدري وش اللي خذاني
.............................. يوم اجنبو عني من الضيقه اشملت
جيت اتكلم بس عيّا لســاني
.............................. ماكني الا مرتكب ذنب واخملت
الله يسامح من ذكرت ونساني
............................... وانا ادري اني لاذكــرته تجملت
عانيت وادري كل طيب يعـــاني
.............................. وعلى حساب طعوني الخضر جاملت
ياما خذوا منّي ولاحدٍ عطـــاني
............................... من طيبتي في حق نفسي تساهلت
عــزااااي لامنّــه تجهم زمـــاني
................................ يممت وجهــي للكريــم وتوسلت
واللي يبي قربي وبعدي لقـاني
................................ امشي على وضح النقـا ماتختلت
مرات احس انك معي شخص ثاني
................................. ومرات احس انك حبيبي ومازلت
لاتفرح انك دجت بين المحاني
.................................. لو ماتخون الذاكــره ماتسللت
عشان ماضيك الجميل وعشاني
.................................. حاول تشيل من الوفا ربع ماشلت
ماني على خبرك حبيبي تراني
.................................. حتى عن صغار الامــاني تنازلت


نسيتنــي

نسيتني علمني شلون ابنساك
............................. في هالزمن نسيان الاحباب عادي
وشلون لامرت على البال ذكراك
............................. وطيفك سرق مني لذيذ الرقادي
وشلون لا قالوا لي الناس وش جاك
............................. من كنت في لذة منامك تنـــااادي
وشلون اعيش اللي بقالي بلياك
............................. لا من غدينـــا كل واحـد بوااادي
لو قلت اداوي جرحي اللي تباطاك
............................. ماكل جــرح يفيد فيه الضمـــادي
اعلنت حبــك لين كل تمنـــااااك
............................. غلطـه وغيري من خطاي استفادي
لو لي مثل قلبــك تمنيت فرقـــاك
.............................. واكيد قبلك بالجفـــا صرت بــادي
حلــووه عذاريبك وحلــووه مزايــــاك
............................... حتى بيـــوم فراقنــا كنت هـــادي
كن الليـــالي ودها تكسب رضــاك
.............................. وانا يطول مع الليـــالي جهــــادي
في ذمتي ماهي غريبة خطـايـاك
.............................. مبطـي وقلبـك لو تنبهت غـــــــادي
سهله على من كان مثلك وشرواك
.............................. مثل الثيـــاب يغيرون المبـــاااادي
علمني اكـــره ذكرياتك وطريــاك
............................... وانسـى من الليلة صـدوق الــودادي
ولاني بقــايل عقبها وين ابلقـــاك
.............................. راضـي لو ان جروح قلبي جـــدادي
ولا القصــايد جعلها من فدايـــاك
............................... لبستها مبطي ثيــاب الحــدادي
باكر على المخطى يدورن الافلاك
................................ ونشوف من يصعب عليه البعــادي

لاتنشغــل فيني


لاتنشغل فيني أنا بحالي ادرى
................................ قلبٍ تعلّق فيك ينسى مع الوقت
اكثرمن اللي صار لي ويش يجرى
............................... بين الرجـا واليــاس فكري تعلقت
مثلي ولو شفته عن همومه ازرى
............................... ما قال ليتك في جروحه ترافقت
هاك القصايد لاتضايقت واقرى
.............................. شف وش كثر فيها لبسماتك اشتقت
اثرالوفــا ينبـاع عندك ويشـرى
............................... ما كنت اصدق فيك واليوم صدقت
يا مشتهي فرقـا المواليف حذرى
............................... تبعد وأنا من سكرة الحب مافقت
لاطافت الفرصـة تحريت الاخـرى
.............................. وتــروووح ما كني عليها تشوقت
ساري لو إن الليل ما فيه قمرى
.............................. أشيل من حمل الهوى فوق ماطقت
لاصار حظ أقشـر والايـام قشرى
............................. مافيه احد عاقل يلومك إليا ضقت
صحيح بعض الناس فرقاه بشرى
............................. وبعض البشر لاغاب ليله تضايقت
ليتك خذيت بليل الاحباب مسرى
............................. غربت من كثر الطــواري وشرّقت
السيل يبقى له على القاع مجرى
.............................. ويبقى لك التذكار لو كنت فارقت
اشوف لك من وين مارحت ذكرى
............................... ولاشفتهــا صديت عنهـا ودنقت
ما كل جـرحٍ لاخذا أيــام يبــرى
............................. بعض الجــروح يزيد شره مع الـوقت


عود الطيــر

ماهو خطاعشان ادور معاذير
.......................... ولاهوغلط عشان ادور صوابه
اليوم توه عــود لوكره الطيــر
......................... واصبح يشوف العالم اكثر رحابه
مستغربين انه ملى قلبي الخير
......................... ليه الغــرابة؟؟ وين وجه الغـرابة؟
تعبت ادور للخطاوي مشاوير
......................... لين التعب زاد الليـــالي رتــابة
يبكي فرح من شاف بعض التباشير
.......................... معـــذووور لو دمعـه يبلل ثيـابه
من كنت بأول خامسة طفل صغير
........................... كنت امتلي حزن وغموض وكآبه
كنت أشعر اني غير والمدرسه غير
......................... هيمان في جو النبي والصحابة
كنت المح بوجه الليالي تعابير
.......................... وأقراء همومي قبل أعرف الكتابة
والشعر غاااب وله محبة وتقدير
........................... اول غيابه شلت هم لغيابه
بالنفس كان لبعض هالأمر تأثير
............................ والليلة اهون من جناح الذبــابه

مرفـــوض

مرفوض ياللى بعت غيره عشانه
............................... أزريـت عن رد الجــزا أو تهاونت
مـابي لـك أكثر سد باب الميانه
............................... بـانت مـع الـوقت الخفـايا وبينت
مـادام مـالى وسط قلبك مكانه
............................... أنـا بـعد مثلك عن الحـب هونت
أنـا مـثل خـيال خانه حصانه
.............................. عـذره يقول من الرسن ماتمكنت
غرّه مع المركاض وارخى عنانه
............................. مخطى وانا غلطان يوم انى امنت
لـو كـنت وافى ماتخون الامانه
............................. ياللى تقول تشيب روحك ولا خنت
ذاك الـهوى لو ماشعرت بحنانه
............................... مـاكنت فـى حلو القصــايد تفننت
شـاعر تـزلزل من فراقك كيانه
............................... لك يعترف مايسكن القلب غير انت
لـو كـان قلبك صافى الود خانه
................................ فـى ذمّتى ماهان حبّك ولا هنت
أحـدٍ يخون وواحد الوقت خانه
................................ أنا ترى الثـانى وألاوّل تـراه أنت

توديع الاحبـاب

توديع الأحباب مثل الموت له سكره
.............................. ادمـى جروحي وشق الصدر منيا
والـقلب طير ضلوع الآدمي وكره
.............................. لاشـاقه الـطلع لاسـلم ولاحيــااا
مـصير الأحـزان تنساني وتفتكره
.............................. مـاكل الأيـام بيض وسمحة محيا
قـل غيرها ماأنت لامجبر ولامكره
.............................. لاصـار مـالي غلا ماأبي لك حميا
لو في يدي شي ماقلت الوعد بكره
.............................. حزمت حدب الضلوع وقلت لك هيا
لـو كل غالي يجي دايم على ذكره
.............................. مـاصرت اشوفك هناك وحبك هنيا
يـاليتني لابـغيت اكره قدرت اكره
.............................. مـاكان قـلبي ليا جيت اكرهك عيا
مـادامك معيف رح لكن على فكره
.............................. مـاقلت لـي لـيه دمعـك سال منيا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خطاك ضيع غلاكH



عدد الرسائل : 8
العمل/الترفيه : طـــالبه
المزاج : حلووووووووو
تاريخ التسجيل : 04/11/2011

مُساهمةموضوع: رد: اضــاءات ( الشاعــر متعب التركــي   الجمعة نوفمبر 04, 2011 3:33 pm

مشكورررررررررررررررررره يالغلا حيل عجبني الشعر

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اضــاءات ( الشاعــر متعب التركــي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الحســــنـــــــــــــــــــــــــــــاء :: المنتدى الادبي والتفافي :: الشعر و همس القوافي-
انتقل الى: